Xəbər verdiyimiz kimi, dünən gecə saatlarında “İctimai Televiziya və Radio Yayımları Şirkəti”nin inzibati binasında yanğın olub. Tüstülənmə ilə bağlı saat 00:19 Təcili Tibbi Yardıma çağırış daxil olub. İki nəfər (kişi) müraciət edib.

Səhiyyə Nazirliyinin mətbuat xidmətindən AZƏRTAC-a bildirilib ki, müraciət edənlərdən birinə yerində yardım göstərilib, digəri isə tüstüdən boğulma diaqnozu ilə 1 saylı Kliniki Tibbi Mərkəzinin toksikologiya şöbəsinə gətirilib, lazımi tibbi yardım göstərildikdən sonra ambulator müalicəyə buraxılıb.