Sentyabrın 6-da Masallı rayonunda “Sağlamlığa xidmət” İctimai Birliyinin təşəbbüsü və Azərbaycan Respublikası Prezidenti yanında Qeyri-hökumət Təşkilatlarına Dövlət Dəstəyi Şurasının maliyyə dəstəyi ilə “İlkin səhiyyə xidməti sahəsində çalışan tibb işçilərinin və ümumi əhalinin icbari tibbi sığorta mexanizmi barədə məlumatlılığının artırılması” layihəsi çərçivəsində maarifləndirmə tədbiri keçiriləcək.

Sehiyye.info xəbər verir ki,Birliyin mətbuat xidmətindən verilən məlumata görə, tədbirin məqsədi rayon əhalisini və ilkin səhiyyə xidməti əməkdaşlarını, o cümlədən tibb işçilərini icbari tibbi sığorta sistemi barədə məlumatlandırmaqdır.

Səyyar maarifləndirmə zamanı işçi qruplar əhalini maraqlandıran sualları cavablandırmaqla yanaşı, onların icbari tibbi sığorta sisteminə münasibəti də öyrəniləcək, rayon sakinləri və tibb işçilərinin iştirakı ilə ictimai müzakirələr aparılacaq.Azərtac