Son aylarda havaların qeyri stabil keçməsi soyuqdəymə və qripin artmasına səbəb olub.
Bu öskürək,halsızlıq bədən ağrısı,burun axması və boğaz ağrısı ilə müşayət olunur.
Məlumata görə daha bir yeni virus gəzir və bu simptomları özündə birləşdirir,lakin qızdırma vermir.
Bu barədə tanınmış həkim terapevt Nərminə Abbasova öz fikirlərini oxuculara çatdırır:
Bəli son oktyabr ayında havalar qeyri stabil keçdi,Gah isti,gah soyuq,yağış və yenidən isti...
Belə havalarda insanlar çaş baş qalır.Qalın geyinirsən isti olur,tərləyib xəstələnirsən. Nazik geyinirsən, soyuq olur ,yenə də üşüdüb xəstələnirsən.
Ona görə də mütləq özünüzü qorumalısınız. İctimai nəqliyyata minərkən,metroda,avtobusda üst geyimdə əlbəttə isti olacaq.
Münasib geyim seçimi etmək məsləhətdir.Xüsusən də valideynlər uşaqları çox qalın geyindirməməsi tövsiyyə olunur.
Bundan başqa yeni virus olduğu barədə məlumatlaryayılıb.Həkim kolleqalar analizlərin cavabı və müayinə zamanı virusa yoluxub qrip olanların sayının az olmadığını qeyd edirlər.
Əslində adi qrip bir həftə ərzində keçməlidir. Lakin xəstəlik bir neçə həftə çəkir.
Nərminə həkim bildirir ki, həkimlərin sosial mediada kütləvi şəkildə yazdıqları "səssiz virus" adi kəskin respirator virus infeksiyası olub. Ruespublikada rinoviruslar, adenoviruslar və koronaviruslar hazırda dövriyyədədir və tənəffüs yoluxucu xəstəliklərin mövsümi artımı başlayıb. Lakin qrip demək olar ki, bununla paraleldir. Bu cür xəstəliklərin əksəriyyəti qızdırma olmadan baş verir, lakin qızdırmanın olmaması xəstəliyin yüngül olduğu və müalicə tələb etmədiyi barədə yalan təəssürat yarada bilər. Adi infeksiyanı təhlükəli vəziyyətdən necə ayırd etmək və nə vaxt həkimə müraciət etmək lazımdır .



Son zamanlar insanlar kütləvi şəkildə "qeyri-adi soyuqdəymə"dən şikayətlənirlər ki, bu da onların sözlərinə görə, adi kəskin respirator virus infeksiyası və ya qripdən fərqlidir. Xəstəlik qızdırma olmadan baş verir, lakin şiddətli boğaz ağrısı, quru öskürək və halsızlıqla müşayiət olunur.

Xəstələrdən biri belə deyir : -"Bu, normal soyuqdəymə deyil. Çox qəfil başladı, boğazım ağrıyırdı və ilk gecə yata bilmədim. Bəlğəmli öskürək ,boğulma,burun tutulması, hərarətim ya 36,6, ya da 37-dir. Daha yüksək olmayıb, amma bir həftədir ki, bu xəstəlikdən əziyyət çəkirəm".

Həkim qeyd etdi ki, əgər bu sistemik iltihab reaksiyası yüngül olarsa, temperatur normal qala bilər, baxmayaraq ki, burun axıntısı, boğaz ağrısı, öskürək və halsızlıq olduqca nəzərə çarpacaq.

Nərminə Abbasova bildirdi ki, "Hazırda respublikada hər hansı yeni respirator virusun yayıldığına dair inandırıcı dəlil yoxdur. Qızdırmanın olmaması özü infeksiyanı daha az və ya daha təhlükəli etmir. Nəfəs darlığı, nəfəs almaqda çətinlik, şiddətli halsızlıq, sinə ağrısı və ağır gedişatın digər əlamətləri narahatlıq doğurmalıdır."

Bundan əlavə, o bildirib ki, ARVI xəstəsi tamamilə normal temperaturda belə yoluxucu ola bilər.
Onun dediklərinəgörə, belə hallar Bakıda hər il baş verir. Ən çox havaların qeyri stabil keçməsi əsas səbəbdir.

Məsləhət görürəm ki, keçməyən qrip simptomlarını idarə etmək üçün aşağıdakı addımları ata bilərsiniz. Lakin, bu tövsiyələrə baxmayaraq simptomlar davam edərsə və ya pisləşərsə, bir həkimə müraciət etməlisiniz:

İstirahət: Bədəninizin sağalması üçün kifayət qədər istirahət etdiyinə əmin olun. Fəaliyyətinizi məhdudlaşdıraraq enerjiyə qənaət edin.

Bol maye için: Su, bitki çayları və isti şorba kimi mayelər içmək bədəni nəmləndirməyə və simptomları aradan qaldırmağa kömək edir.

İsti duş və nəmləndiricilər: İsti duş qəbul etmək sinuslarınızı açmağa və ümumi rahatlamanı təşviq etməyə kömək edə bilər. Quru burun və boğazı nəmləndirmək üçün nəmləndiricidən də istifadə edə bilərsiniz.

Hərarətsalıcı dərmanlar: Həkiminiz tərəfindən tövsiyə olunan dozada hərarətsalıcı dərmanlar hərarət üçün istifadə edilə bilər. Lakin, bu dərmanları istifadə etməzdən əvvəl bir tibb işçisinə müraciət edin.

Öskürək siropları və ağrıkəsicilər: Öskürək və boğaz ağrısı müvafiq öskürək siropları və ya ağrıkəsicilərlə müalicə edilə bilər. Lakin, bu dərmanları istifadə etməzdən əvvəl bir tibb işçisinə müraciət edin.

Bol miqdarda vitamin və mineral qəbul edin: C vitamini kimi vitaminlər və minerallar immunitet sistemini dəstəkləyə bilər. Bu vitaminləri təzə meyvə, tərəvəz və qida əlavələrindən almalısınız.

Həkimlə məsləhətləşin: Əgər simptomlar davam edərsə və ya pisləşərsə, səhiyyə mütəxəssisinə müraciət etmək vacibdir. Həkim vəziyyəti qiymətləndirə, problemin mənbəyini müəyyən edə və müvafiq müalicəni tövsiyə edə bilər.