Dietoloq Maryana Cutova 24 Yanvar Ümumdünya Piroq Günü ilə bağlı xəbərdarlıq edib.

Sehiyye.info xəbər verir ki, riamo.ru-ya danışan ekspert qənnadı məhsullarının zərərlərindən danışıb. O, həm də gündəlik icazə verilən şirniyyat və karbohidrat miqdarı haqda məlumat verib.

"Qənnadı məhsullarını nəzarətsiz yemək ciddi sağlamlıq problemlərinə səbəb ola bilər. Şirin bulkaların piylənməyə və ya diabetə səbəb olmasının qarşısını almaq üçün onların tərkibində olan rəfinə olunmuş şəkərin istehlakını gündəlik dəyərin 10%-nə qədər azaltmaq lazımdır", - dietoloq qeyd edib.

Tibb elmləri namizədinin fikrincə, ilk növbədə un məmulatlarına üstünlük vermək artıq çəki artımına səbəb olacaq. Eyni zamanda, artan yük səbəbindən ürək də hücuma məruz qalacaq. Artıq yağ toxuması ilə əlaqəli digər xəstəliklərin də yaranma riski artır.

"Mütəxəssislər şirniyyatların, o cümlədən tortların və digər qənnadı məmulatların orta səviyyədə istehlakını məsləhət görürlər. ÜST tövsiyə edir ki, qidaya əlavə edilən cem, bal, şərbət və siroplar da daxil olmaqla ümumi şəkər miqdarı gündəlik qəbul edilməli olan ümumi enerjinin 10%-dən çox olmamalıdır", - Cutova izah edib.

O əlavə edib ki, sağlamlıq faydaları üçün rəfinə edilmiş şəkərlərin qəbulunu gündə ümumi enerji qəbulunun 5%-i ilə məhdudlaşdırmaq daha məqsədəuyğundur.

“Qənnadı məmulatların və şirniyyatların çox və həddindən artıq yeyilməsinin mənfi nəticələrinə çəki artımı, ürək xəstəlikləri, şəkərli diabet və piylənmə ilə bağlı digər xəstəliklər, o cümlədən şirniyyatların tərkibindəki şəkər səbəbindən dişlərin çürüməsi riskinin artması daxildir. Ona görə də, şirniyyat və çörək məmulatlarının tövsiyə olunan istehlak normalarına riayət etmək vacibdir”, - həkim yekunda qeyd edib.//pravda