Alma əlimizin çatdığı ən sağlam qidalardan biridir. Bu meyvə, haqlı olaraq, hətta bir superqida hesab edilə bilər.

Sehiyye.info almanın insan orqanizminə müsbət təsirlərini təqdim edir.

Alma xüsusiyyətləri baxımından nadir və insanlar üçün çox faydası olan inanılmaz bir məhsuldur. Bu meyvə qiymətli kimyəvi tərkibi ilə tanınır. 80%-i sudan ibarət olan almanın qalan hissəsi lif, üzvi turşular, karbohidratlardır.

Təzə dərilmiş alma ən sağlam hesab olunur, çünki onlarda qida konsentrasiyası maksimumdur.

Alma bağırsaqların işini yaxşılaşdıran və toksinlərdən təmizləyən pektinlə - E, B, A, C vitaminləri, kalium, kalsium, maqnezium, dəmir, sink, xlor, kükürd, mis daxil olmaqla müxtəlif minerallarla zəngindir.

Bu məhsulun kalori miqdarı onun rəng müxtəlifliyinə bağlıdır. Qırmızı almanın enerji dəyəri, orta hesabla, 47, yaşılın isə 35-dir. Pəhriz zamanı istehlak edilməsi tövsiyə olunan alma növü yaşıldır.

Gəncləşdirən təsir

Qiymətli tərkibə baxmayaraq, almaların əsas zənginliyi bədənimizin yenilənməsinə kömək edən antioksidantlardır. Tərkib baxımından alma digər meyvələr arasında lider mövqe tutur: bədənin yaşlanmasını yavaşlatmağa qadir olduğu antioksidantlar sayəsində.

Qanı bərpa edir və təzyiqi aşağı salır

Almanın tərkibindəki dəmir hemoqlobin səviyyəsini artırır. Bu, xüsusilə, böyük qan itkisi və anemiya üçün faydalıdır. Bundan əlavə, hipertenziyalı xəstələr üçün bu meyvə tövsiyə olunur. Alma bədəndən artıq duz və su çıxarmaqla qan təzyiqini azalda bilər.

Həzmi yaxşılaşdırır

Almanın tərkibində borik, salisil və limon turşuları var. Safra kisəsi və mədə şirələrinin ifrazını stimullaşdıraraq həzmi yaxşılaşdırmağa kömək edir. Bundan əlavə, bu meyvənin hüceyrələri zəhərləri bədəndən çıxaran təbii bir sorbentdir.

Xolesterol səviyyəsinin aşağı olması

Almanın tərkibindəki lif bağırsaqdakı yağları birləşdirir, bu da qanda xolesterol səviyyəsinin azalmasına səbəb olur və xolesterolun həddindən artıq yığılmasından qoruyur. Diyetoloqlar alma pəhrizinin 3 həftəsindən sonra xolesterol səviyyəsinin 30% düşə biləcəyi qənaətinə gəlib.

Xərçəngdən qoruyur

ABŞ-ın Kornell Universitetinin alimləri alma ekstraktlarının, həqiqətən, xərçəng hüceyrələrini bloklamağa kömək etdiyini aşkarlayıb.

Əks göstərişlər

Peptik xora xəstəliyi olan insanlar, xüsusən də onikibarmaq bağırsaq xorası olanlar üçün almanı xam şəklində yemək arzuolunmazdır. Çünki meyvənin təbii turşusu xəstə selikli qişanı qıcıqlandıracaq. Ancaq bişmiş (qoz-fındıq və bal əlavə etməklə) alma yemək tövsiyə olunur. Həm dadlı, həm də faydalı.//publika