Azərbaycanda bu gündən insanların koronavirusa qarşı vaksinasiyasına start verilir.

Bu barədə Nazirlər Kabineti yanında Operativ Qərargah məlumat yayıb.

Səhiyyə naziri Oqtay Şirəliyevə koronavirusa qarşı peyvənd vurulub.

“Tibbi Ərazi Bölmələrini İdarəetmə Birliyi”nin (TƏBİB) sədri Ramin Bayramlı, Səhiyyə nazirinin müavini Viktor Qasımov və TƏBİB-in şöbə müdiri Yaqut Qarayeva da koronavirusa qarşı peyvənd olunublar. Onlar Bakı Sağlamlıq Mərkəzinə gəliblər.

BAKU.WS xəbər verir ki, prosesi BAKU.TV-nin əməkdaşları çəkiblər.

Qeyd edək ki, birinci mərhələdə səhiyyə işçiləri və 65 yaşdan yuxarı olan şəxslər, hüquq-mühafizə orqanlarının əməkdaşları vaksinasiya ediləcək. İkinci mərhələdə isə 50 yaşdan yuxarı ən azı bir xroniki xəstəliyi olanların vaksinasiyası həyata keçiriləcək.