Son zamanlar nevropatoloqa müraciət edən xəstələrin sayı artıb.Bu hazırkı vəziyyətlə bağlı,(Pandemiya,müharibə,passiv həyat,depressiya və s)ola bilər.
Əsas məsələ xəstəliyi hiss edib,həkimə müraciət etmək və düzgün diaqnoz qoyulmasıdır.Müalicə isə sonrakı məsələdir.Bir çoxları baş ağrısının və halsızlığın nə qədər ciddi xəstəlikdən xəbər verdiyini fərqinə varmır.Təbii ki,bu müxtəlif zəstəliklər səbəbindən ola bilər.Lakin ,bir neçə simptom var ki,bu simptomlar Anemiyadan(qanazlığı) xəbər verir.
Anemiya – qanın vahid həcmində eritrositlərin miqdarının və hemoqlobulinin konsentrasiyasının azalması ilə xarakterizə olunan hemolitik sindromdur. Diaqnoz kliniki və laborator göstəricilərə (qanın ümumi analizi; bilirubin, qan serumda zülalların, qan serumunun ümumi dəmir birləşdirmə qabiliyyətinin təyini; sümük iliyi punktatının müayinəsi və s.) əsasən qoyulur. Bu vəziyyətdə anemiya əlamətləri görünməz ola bilər. Anemiyanın inkişafının ilkin mərhələlərində bədən öz ehtiyatları sayəsində qırmızı qan hüceyrələrinin olmamasını kompensasiya edə bilər.
Demək olar ki, bütün anemiya növləri oxşar simptomlarla xarakterizə olunur:
- Zəiflik və yorğunluq,
- Xüsusilə məşq zamanı sürətli ürək döyüntüsü
- Çətinlik, stres zamanı baş ağrısı
- Başgicəllənmə
- Solğun dəri və selikli qişalar
- Yuxusuzluq.
Özünüzdə anemiya əlamətlərini aşkar edirsinizsə, mütləq həkimə müraciət edin:Davamlı zəiflik, nəfəs darlığı, sürətli ürək döyüntüsü, dərinin solğunluğu və s.Anemiyanın ciddi fəsadları ola bilər. Ciddi hallarda ürək problemlərinə və hətta ürək çatışmazlığına səbəb ola bilər. Hamiləlik planlaşdırırsınızsa həkiminiz sizə vitaminlər, xüsusən də fol turşusu təyin edəcək. Həm ana, həm də doğmamış uşaq konsepsiyadan əvvəl vitamin almağa başlayarlarsa, bundan daha çox faydalanacaqlar.Ümumdünya Səhiyyə Təşkilatının (ÜST) verdiyi məlumata görə iki milyard insan, yəni dünya əhalisinin 30 faizi anemiyadan əziyyət çəkir. İnkişaf etməkdə olan ölkələrdə hamilə qadınların 50 faizində, məktəbəqədər yaşda uşaqların isə 40 faizində anemiya var.