Hazırda respublikamızda zoğal mövsümüdür.Zoğal mürəbbəsinin insan orqanizminə və soyuqdəyməyə qarşı nə qədər xeyirli olduğunu bilirsiz.
Sehiyye info sizə zoğal mürəbbəsinin hazırlanması reseptini təqdim edir:
Mürəbbə tam yetişmiş zoğaldan bişirilir. Mürəbbəni çox bişirmək olmaz. Əks halda meyvələr çox bərk olacaq və bürüşəcək. Zoğal mürəbbəsi çox dadlı və faydalıdır.

Tərkib:

- 1 kq meyvə üçün 1,2 kq şəkər tozu və 1 stəkan su götürülür.

Hazırlanması:

1. Meyvələr təmizlənir, yuyulur, hər meyvə diş çöpü ilə deşilir.

2. Sirop hazırlanır. Qazana şəkər tozu və su tökülür, vam odda qızdırılır. Hazır sirop şəffaf olmalıdır.

3. Meyvələri isti siropun içinə tökün və axşamdan səhərə qədər saxlayın.

4. Səhər mürəbbəni orta odda qatılaşana qədər bişirin. Mürəbbənin hazır olub-olmadığını yoxlamaq üçün nəlbəkiyə mürəbbənin 1 damcısını tökün. Damcı yayılmırsa, mürəbbə hazırdır.