Cümə günü Nazirlər Kabineti yanında Operativ Qərargahın açıqladığı məlumata görə bu gün ötən günə nisbətən daha az - 89 nəfərdə yeni yoluxma aşkarlanıb.

Cümə günü bu rəqəm 103 idi.

Bu gün 2 nəfərin koronavirusdan vəfat etdiyi, 207 nəfərin sağaldığı bildirilir.

Bununla da indiyədək bu virusa yoluxması aşkar edilmişlərin ümumi sayı 34 107 nəfərdir. Azərbaycanda indiyədək COVİD-19-dan ölənlərin sayı 506-dır.

Ümumi olaraq, 31 697 nəfər koronavirusdan sağalıb.

Hazırda 1904 aktiv xəstə var.

İndiyədək Azərbaycanda 826 043 test aparılıb. Bugünkü test sayı isə 6041-dir.

Azərbaycanda ilk koronavirusa yoluxma halı 28 fevralda qeydə alınıb.

Martın 24-dən qüvvədə olan xüsusi karantin rejimi avqustun 31-dək uzadılıb.

Nazirlər Kabineti mayın 4-dən etibarən xüsusi karantin rejimini bir qədər yumşaldıb. İyun ayında isə qurum koronavirusun qarşısının alınması məqsədilə həftəsonları ev təcridi rejimi tətbiq etməyə başlayıb.//BBC