Həyatımızı şirniyyatsız təsəvvür etmək çətindir. Tərkibində karbohidratlar olan şirniyyat orqanizmdə xoşbəxtlik hormonu adlandırılan serotonin ifrazını təmin edir. Lakin bununla yanaşı bir sıra fəsadlara da səbəb ola bilir, xüsusilə də şirniyyat yemək həvəsi məhəbbətə çevrilirsə, bu zaman ortaya ciddi problemlər çıxır. Tort və şokoladdan imtina edə bilməyən qadınlar çox vaxt göbələk xəstəliyindən əziyyət çəkirlər. Daimi qlükoza qəbulunun insan ömrünü 25 faizə qədər azaltdığı deyilir.
Həyatımızı şirniyyatsız təsəvvür etmək çətindir. Tərkibində karbohidratlar olan şirniyyat orqanizmdə xoşbəxtlik hormonu adlandırılan serotonin ifrazını təmin edir. Lakin bununla yanaşı bir sıra fəsadlara da səbəb ola bilir, xüsusilə də şirniyyat yemək həvəsi məhəbbətə çevrilirsə, bu zaman ortaya ciddi problemlər çıxır. Tort və şokoladdan imtina edə bilməyən qadınlar çox vaxt göbələk xəstəliyindən əziyyət çəkirlər. Daimi qlükoza qəbulunun insan ömrünü 25 faizə qədər azaltdığı deyilir.
AZƏRTAC xəbər verir ki, həkim-diyetoloq Ləman Süleymanova deyib: “Həddindən artıq şirniyyat yemək mədəaltı vəzini daha çox işləməyə məcbur edir. Şəkər və qlükoza enerji ehtiyacını qarşılayan vasitələrdən biridir. Şəkərin verdiyi enerji həm beyin, həm də ümumiyyətlə orqanizm üçün vacib məhsuldur, ancaq onun nə zaman və necə istifadə edilməsindən də çox asılıdır. Xüsusilə səhər yeməyi zamanı şirniyyat yeyilməsi düzgün deyil. Onu yeməkdən ən azı 1 saat sonra istifadə etmək lazımdır. Un məmulatlarının əvəzinə südlü şirniyyatlar və acı şokolad daha xeyirlidir. Onu meyvələrlə də əvəz etmək mümkündür. Qəbul edildikdən sonra qidaların parçalanması üçün 0,5, ya da 1 kilometrə qədər yolu piyada gəzmək və ya qaçmaq lazımdır, əks halda ürək, qan-damar sistemi xəstəlikləri ilə üzləşmək olar”.

Şirniyyata meyilli uşaqlar üçün də həmin məhsullar ən təhlükəli qidalardan sayılır. Çox qəbul edildikdə yaranan problemlər zaman-zaman orqanizmi zəhərləyir. Ona görə də hər bir məhsulu vaxtında, miqdarında və keyfiyyətli qəbul etmək lazımdır ki, fəsadı yox, faydası olsun.