Sentyabrın 19-dan 21-dək Bakıda 17-ci UNPSTR-Avrasiya Konqresi və Türk Dünyası Pediatriya Konqresi keçiriləcək. Tədbir Beynəlxalq Pediatriya Assosiasiyası, Azərbaycan Tibb Universiteti, Türkiyə Milli Pediatriya Dərnəyi, “Medvoyage” şirkətinin birgə təşəbbüsü ilə təşkil olunacaq.

Azərbaycan Tibb Universitetinin mətbuat xidmətindən bildiriblər ki, konqresdə yerli və xarici mütəxəssislər iştirak edəcək, onların məruzələri dinləniləcək.

Həmçinin sentyabrın 19-da konfransdan əvvəl iki kurs – “Beynəlxalq inkişafın izlənməsi və dəstəklənməsi” və “Yenidoğulmuşlara müasir yanaşma” kursları keçiriləcək.

Konfrans və kurslara qeydiyyat ödənişlidir.

Konfransa qeydiyyat linki: https://medproinfo.com/event/2021
(Azərtac)