Çinli həkimlər 59 yaşlı bir kişinin şəkər xəstəliyini kök hüceyrə terapiyasından istifadə edərək sağaltdıqlarını bildiriblər.


Sehiyye.info xarici mətbuata istinadən xəbər verir ki, ilk dəfə baş verən hadisənin araşdırması "Cell Discovery" jurnalında dərc olunub.

Xəstə 2021-ci ildə kök hüceyrə transplantasiyası əməliyyatı keçirib. O, 2022-ci ildən bəri qan şəkərinin səviyyəsinə nəzarət etmək üçün heç bir dərman qəbul etməyib. Terapiyadan əvvəl kişi 25 il 2-ci tip diabetdən əziyyət çəkib və mədəaltı vəzində insulin istehsal edən demək olar ki, bütün hüceyrələri itirib. Bu xəstələrin tez-tez bu hormonun enjeksiyonlarına ehtiyacı olut və sinir, böyrək və ürək zədələnmə riski artır.

Laboratoriyada çalışan alimlər kök hüceyrələrdən mədəaltı vəzi hüceyrələri yaradıblar. Sonuncuların özəlliyi ondan ibarətdir ki, onlar istənilən növ hüceyrəyə çevrilə bilirlər: sinir, əzələ, böyrək və başqaları. Kök hüceyrənin tam olaraq nə olacağı, onun bitdiyi maddələrin kokteylindən asılıdır. Bu araşdırmada alimlər mədəaltı vəzi hüceyrələrinə çevrilmək üçün kokteyldən istifadə ediblər.

Bu hadisədən əvvəl bir nəfər də olsun şəkər xəstəliyindən xilas olmamışdı. Dərman qəbul etmədən qan şəkərinin səviyyəsinin müvəqqəti olaraq normala yaxınlaşa biləcəyi remissiyanın mümkün olduğu göstərilib. Bununla belə, bu, xəstələrdən nisbətən ciddi pəhriz və idman proqramına riayət etməyi tələb edir. Alimlərin təsvir etdiyi hal həyat tərzini dəyişmədən orqanizmin qan şəkərini tənzimləmək qabiliyyətini bərpa etməyin mümkün olduğunu deməyə əsas verir. Bunu təsdiqləmək üçün daha çox araşdırma tələb olunacaq.

Müəlliflər hesab edirlər ki, onların yanaşmasının 1-ci tip diabetli insanlar üçün uyğun olması ehtimalı azdır. Fakt budur ki, bu xəstəliklə immunitet sistemi mədəaltı vəziyə hücum edir. Buna görə də, bədən çox güman ki, köçürülən yeni hüceyrələri məhv edir.

Tədqiqat dünyada doqquzuncu əsas ölüm səbəbi olan diabetdən əziyyət çəkən yarım milyard insan üçün irəliyə doğru böyük bir addım ola bilər.//qaynarinfo