Türkiyədə doğuş zamanı həkim uşağın başını bıçaqla yaralayıb.

Sehiyye.info yerli KİV-ə istinadən bildirir ki, hadisə 1.5 il əvvəl Təkirdağ vilayətində baş verib. Şəhər sakini Sevgi Küçük özəl klinikaların birində keysəriyə yolu ilə Dəniz adlı uşaq dünyaya gətirib. Lakin valideynlərin sözlərinə görə, doğumu həyata keçirən həkim bilmədən körpənin başını da neştərlə kəsib.

Nəticədə uşağın başına 50-60 tikiş qoyulub. Faktla bağlı uşağın atası Yasin Küçük prokurorluğa müraciət edib.

Ancaq bir müddətdir davam edən araşdırmalar hələlik bir nəticə verməyib. Uşaq hazırda sağdır. Amma son zamanlar başında ağrılar meydana gəlib. /lent.az/