Paytaxt Bakı və Abşeronda Tibbi Ərazi Bölmələrini İdarəetmə Birliyinin (TƏBİB) səlahiyyətləri sonlandırılıb.

Sehiyye/info xəbər verir ki, TƏBİB-in əlindən alınan ərazi bölmələri səhiyyə nazirliyinin tabeliyinə verilib.

TƏBİB-in “40-ı çıxmamış” səhiyyə nazirliyi Bakı şəhəri və Abşeron rayonu üzrə təcili və təxirəsalınmaz tibbi yardım stansiyalarına təcili və təxirəsalınmaz tibbi yardım üzrə həkim vəzifələrinə vakansiya da elan edib.

Yaradıldığı ilk gündən etibarən nazirliklə TƏBİB arasında gedən “səlahiyyət savaşı” zaman-zaman mətbuata yansımış, xəstəxana baş həkiminin bir gündə iki dəfə dəyişdirilməsi halları yaşanmışdı.

Vəzifəsi vətəndaşların sağlamlığını qorumaq, tibbi xidmətdən yararlanmağı asanlaşdırmaq olan bu iki qurum ilkin məqsədlərindən uzaqlaşdırılaraq mənafe savaşının meydanına çevrilib.

Səlahiyyət məsələsindəki qeyri-müəyyənlikdən zərərli çıxanlar isə, təbii ki, vətəndaşlar olur. Səhiyyədə hökm sürən pərakəndəlik vətəndaşlara göstərilən xidmət səviyyəsini aşağı salır, yaranmış problemləri qurumlar bir-birinin üzərinə ataraq məsuliyyətdən yayınırlar.

Bakı və Abşeronun TƏBİB-dən alınması onu göstərir ki, nazir vəzifələrini icra edən Teymur Musayev sələfindən fərqli olaraq nazirliyin itirilmiş mövqelərini geri qaytarmaq üçün əməli fəaliyyət keçib.//yenicağ