Məsumların nəzərində südün faydaları
Süd - o nemətlərdəndir ki, Məsumlarımız (ə) daima ondan istifadə etmiş və bizlərə də tövsiyə etmişdilər.
İmam Sadiq (ə) buyurur: "Boğaz ağrısı üçün süd içmək kimi faydalı bir şey yoxdur".
Sehiyye.info Milli.Aza istinadən bildirir ki, Həzrət Cəfər Sadiq (ə) başqa yerdə buyurur: "Süd iç ki, həm bədəndə ətin əmələ gəlməsinə səbəb olar və həm də sümükləri möhkəm edər".
İmam Əli (ə) buyurur: "Süd içmək - ölümdən başqa bütün xəstəliklərin dərmanıdır".
Səhabələrdən biri nəql edir: "İmam Baqirin (ə) yanında mədə ağrısından şikayət etdim və Həzrət (ə) mənə buyurdu: "Niyə inək südü içmirsən? Heç indiyə qədər inək südü içmisən?".
Dedim: "Bəli, dəfələrlə içmişəm".
İmam (ə) buyurdu: "Sənin nəzərinə görə, inək südü necədir?".
Dedim: "Mənim nəzərimə görə mədəni yuyur, böyrəyin ətrafının piylə örtülməsinə səbəb olur və iştahanı artırır".
İmam (ə) buyurdu: "Yaxşı olardı ki, Yənbu limanına gedib, inək südündən içərdik".
İmam Əli (ə) buyurur: "İnək südü - dərmandır".
Həzrət Peyğəmbər (s) buyurur: "Allah göndərdiyi hər dərdə görə dərman qərar vermişdir və inək südündə bütün dərdlərin dərmanı vardır".
Yəhya ibni Abdullah nəql edir: "İmam Sadiqin (ə) yanında olanda bir neçə stəkan gətirdilər. İmam (ə) buyurdu: "Bu, uzunqulaq südüdür ki, onu xəstələrimdən biri üçün almışam. Hər kim istəsə, içə bilər".