İsti vurma – istilik xəstəliyinin ən fəsadlı və ağır formasıdır.

Bu zaman uşağın bədəni ətraf mühitə verə biləcəyindən artıq istilik yaradır və yığır. Uşağın temperaturu sürətlə artır və təcili müalicə olmadan ciddi beyin zədəsinə və ölümə gətirib çıxarır.

İsti vurmanın simptomları:

Temperatur təhlükəli həddə çatır (40-42 qradus)

Tərləmə müşahidə edilmir

Çaşqınlıq, istiqaməti itirmə

Qızarmış, isti və quru dəri (bəzən dəri nəm ola bilər)

Huşunu itirmə

Ürəkbulanması, qaytarma, ayağın açılması

Sürətlənmiş ürək döyüntüsü və nəfəsalma

Güclü baş ağrısı

Bütün əzələlərin qıc olması

Zəiflik

Xüsusi ilə qeyd etmək lazımdır ki, isti vurması təcili tibbi yardım tələb edir! Uşağı təcili xəstəxanaya çatdırmaq lazımdır. Lakin bundan öncə ilkin tibbi yardım göstərmək olar:

Uşağı qaranlıq və kölgəli yerə aparın, soyundurun.

Soyuq su ilə dolu vannaya uzadaraq təcili bədəni soyutmağa çalışın

Əgər vanna yoxdursa, uşağı soyuq suda isladılmış dəsmallara bürüyün. Dəsmallar qızmamış onları dəyişdirin.