Amerikalı alimlər koronavirus üçün universal bir dərman yaratdıqlarını elan ediblər.

Sehiyye.infonun xarici mediaya istinadla verdiyi xəbərə görə, mütəxəssislər orqanizmi SARS-CoV-2-nin bütün növlərindən qoruyan bir peyvənd hazırlayıblar.

Yeniliyi Duke Universitetinin əməkdaşları təqdim ediblər.


COVID-19-a qarşı dərmanla digər peyvəndlər arasındakı fərq, köməkçinin (bir immunogen ilə eyni vaxtda tətbiq olunduqda immun reaksiyanı artırmaq üçün istifadə olunan maddələrin mürəkkəb və ya kompleksi) tərkibinin artmasıdır.

Bu birləşmə peyvəndləmə zamanı immunitet reaksiyasını artırmağa kömək edir.

Nəticədə dərman COVID-19 patogeninə və digər bütün koronaviruslara qarşı immunitet yaranmasına kömək edir.

Bundan əlavə, peyvənd insan populyasiyasına yarasalardan daxil ola biləcək digər viruslardan qoruyur.

Hazırda ABŞ-dan olan mütəxəssislər universal bir peyvəndi sınaqdan keçirirlər.

Xatırladaq ki, hazırda dünyanın bir çox ölkəsində koronavirusa qarşı kütləvi peyvəndləmə aparılır.

Ən çox istifadə edilən Pfizer / BioNTech, Moderna, AstraZeneca, Sputnik V peyvəndləridir.//lent.az