Xoşbəxtliyinizi artırmaq və münasibətinizi gücləndirmək üçün bəzi ipucları bilmək lazımdır.

Sehiyye.info Türkiyə mətbuatına istinadən bu ipuclarını təqdim edir. Məhz illərlə bir-birinə sadiq qalıb, sonsuzadək birlikdə olan cütlüklərin sirri bunlardır.

Dəyişikliyi xoş qarşılayın

Çünki insanlar həyatları boyunca dəyişirlər. Uğurlu bir əlaqənin əsas açarı birlikdə böyümək və uyğunlaşmaqdır. Daimi dəyişiklikləri qəbul etmək, sevdiyiniz insanın ehtiyaclarını başa düşmək və onlar haqqında danışa bilmək münasibətinizin irəliləməsi üçün çox vacibdir.

Mübahisə

Uğurlu münasibətdə mübahisə etməmək mümkünsüzdür. Əslində sevgilinizlə mübahisə etməlisiniz. Bir cütlüyün necə mübahisə etməsi və nə haqda mübahisə etməsi heç mübahisə etməmələrindən daha önəmlidir. Yersiz mübahisələr keçmişlə bağlı olur. Mübahisə etdiyiniz zaman sadalanan bu qeyri-sağlam davranışlardan çəkinin: həyat yoldaşınıza xor baxma, həddindən artıq müdafiə olunma, danışmaqdan imtina etmə və tərəfdaşınız haqqında mənfi açıqlamalar vermək. Bunlar münasibətinizi zədələyə bilər.

Bağışlayın

Keçmişi gündəmə gətirməyinizin münasibətə heç bir faydası olmaz. Uzun illər evli olan cütlüklər bildirir ki, “müvəffəqiyyətli bir evlilik qurmaq üçün kişi çox dözümlü və həmişə üzr istəmək üçün istəkli olmalıdır".

Barışmaq

Barışıq hər hansı bir münasibət, xüsusilə də evlilik üçün çox vacibdir. Nə vaxt mübahisə edəcəyinizi və nə vaxt güzəştə getməyinizi bilmək sizinlə həyat yoldaşınız arasında çox güclü bir əlaqə yaradır.

Onu niyə sevdiyinizi xatırlayın

İşlər çətinləşdiyində, uğurlu cütlüklər niyə birlikdə olmaq istədiklərini unutmazlar. Münasibətinizin pozitiv tərəfinə köklənin, bir-birinizi necə güldürdüyünüzü ya da bir-birinizi necə dəstəklədiyinizi xatırlayın. Niyə aşiq olduğunuzu və niyə evləndiyinizi xatırlamaq, çətin zamanları birlikdə keçməyinizə kömək edəcək.

Hər zaman əl-ələ tutun

Bəzən ən yaxşı sirlər ən sadə olanlardır. Cütlüklərin əksəriyyəti xoşbəxt evliliklərinin sirrini əl-ələ tutmaqda göstərirlər. Haqlı ola bilərlər, çünki edilən araşdırmaya görə cütlüklərin əl-ələ tutması yaşadıqları stress səviyyəsini azaldır.//lent.az