Erməni sosial şəbəkələrində azərbaycanlı sürücünün infarkt diaqnozu ilə Xankəndidəki xəstəxanaya yerləşdirildiyi haqda məlumat yayılıb.

Sehiyye.info xəbər verir ki, iddiaya görə, azərbaycanlı sürücü infarkt keçirib və rus sülhməramlılarının müşayiəti ilə Xankəndi xəstəxanasına çatdırılıb. Orda onun ürəyinə stend qoyulub. Hazırda xəstənin Bakıya gətirildiyi vurğulanıb.

“Sputnik Ermənistan” sosial şəbəkələrdəki iddianı aydınlaşdırmağa çalışıb. Müxbirə xəstəxanadan hər hansı bir açıqlama verilməyib və bu barədə Ermənistan Müdafiə Nazirliyinə müraciət etmək tövsiyə edilib.

***

Xankəndi xəstəxanasında əməliyyat olunan şəxs 1965-ci il təvəllüdlü Türkiyə vətəndaşı Mehmet Esen Həsənidir.

Bu barədə erməni mətbuatı məlumat verib.//axar.az