Təxminən 1,8 milyard insanın xəstəxanalardakı su təchizatı problemləri ilə əlaqədar koronavirus və digər infeksiyalara yoluxma riski artır.

Sehiyye.info Publika.aza istinadən xəbər verir ki, bu barədə Ümumdünya Səhiyyə Təşkilatının (ÜST) hesabatında deyilir.

Sənəddə qeyd olunur: “Su sanitariya və gigiyena, həkimlərin və xəstələrin təhlükəsizliyi üçün vacibdir”.


Mütəxəssislərin hesablamalarına görə, dünya üzrə hər dördüncü tibb müəssisəsində su təchizatı problemi var, hər üçüncüsündə əl gigiyenası məhsulları yoxdur, eyni sayda tullantıların təhlükəsiz şəkildə çeşidlənməsi həyata keçirilmir. Dünyanın ən az inkişaf etmiş 47 ölkəsində vəziyyət daha da pisdir.

ÜST-nin hesablamalarına görə, 47 ən az inkişaf etmiş ölkələrdə (LDCs) bütün təməl xidmətlərin yaradılması bir sakin üçün təxminən 1 ABŞ dollarına, bu xidmətlərin saxlanılması isə hər il adambaşına 20 dollara başa gələcək.