sehiyye.info

Milli Oftalmologiya Mərkəzi Şağanda oftalmoloji aksiyalar keçirəcək

Milli Oftalmologiya Mərkəzi Şağanda oftalmoloji aksiyalar keçirəcək
Martın 15-də akademik Zərifə Əliyeva adına Milli Oftalmologiya Mərkəzinin Səyyar Klinikası Şağan qəsəbəsində yerləşən 124 saylı orta məktəbdə və mərkəzin digər həkim heyəti Şağan qəsəbəsi 1 saylı sağlamlıq imkanları məhdud uşaqlar üçün sosial xidmət müəssisəsində humanitar aksiyalar keçirəcək.

Sehiyye.info bildirir ki,Mərkəzin elmi-məlumat, tədris və təşkilati-metodik bölməsindən AZƏRTAC-a bildiriblər ki, oftalmoloji müayinələri keçirməkdə məqsəd pasiyentləri erkən müayinə-müalicə etmək, səhhətləri ilə bağlı olan problemlərin həll olunmasına kömək göstərmək, eyni zamanda, göz xəstəlikləri ilə bağlı monitorinqlər aparmaq, əldə edilən nəticələri müzakirə və həll etməkdir.

Qeyd edək ki, hazırda dünyada 7 milyard insandan 300 milyonu müxtəlif göz problemlərindən, 40 milyondan çoxu isə korluqdan əziyyət çəkir. Bu rəqəm hər il 45 mindən başlayaraq həndəsi silsilə ilə artmaqda davam edir. Vaxtında müayinə və müalicə etməklə korluq hallarının 80 faizinin qarşısını almaq mümkündür. Akademik Zərifə Əliyeva adına Milli Oftalmologiya Mərkəzi respublikada korluğun qarşısının alınması üçün tədbirlər görür.



REKLAM