“Plazma terapiyasından istifadə kifayət qədər köhnə konsepsiyadır. İndiyə qədər bir çox infeksiyalı xəstəliklərin müalicəsində istifadə olunub".

sSehiyye.infonun xəbərinə görə, bunu Ümumdünya Səhiyyə Təşkilatının (ÜST) COVID-19 üzrə sözçüsü Marqaret Harris "Real TV"yə müsahibəsində deyib.

“Burada əsas fikir odur ki, kimsə virusa yoluxub sağalıbsa və bu zaman müəyyən antitel formalaşdırıbsa, həmin antitellər digər şəxsin də səhhətini qorumağa kömək edə bilər. Bunu müxtəlif viruslara qarşı təcrübədən keçirmişik. Ancaq bu üsul heç də həmişə işə yaramır. Bu üsulu tətbiq edərkən ehtiyatlı olmaq lazımdır. Müəyyən insanların plazmasında digər insanların orqanizmi üçün pis reaksiya verə biləcək maddələr ola bilər. Ona görə bu müalicə üsulu yüksək şəraitdə icra olunmalıdır”.//report