Hazırda kimisi sağlamlığına, kimisi kredit borcuna görə stress keçirir, kimisi də sivilizasiyanın gələcəyi ilə bağlı narahatdır. Depressiyaya düşən, vahiməyə qapılan və yorulanların sayı da az deyil. Şübhəsiz ki, özünü təcridetmə ilə əlaqəli görülən tədbirlər müsbət emosiyalara səbəb olmur.

Sehiyye.info xəbər verir ki, nutritionistlər çətin anlarda biokimyəvi səviyyədə xoşbəxtlik və sevinc əlavə etməyin vacib olduğunu düşünürlər. Necə? Hormonlarımıza təsir edən bəzi elementlər və vitaminlərin köməyi ilə, onlar da öz növbəsində əhval-ruhiyyəyə təsir edir.

“El Confidencial” jurnalında İspaniya, ABŞ, Meksika və Yeni Zelandiyadakı universitetlərin araşdırmalarına əsaslanan “Xoşbəxtlik pəhrizi” dərc olunub. Martın 14-dən etibarən İspaniyada qeyri-müəyyən müddətə kimi karantin rejimi tətbiq edilib. Məhdudiyyətlər digər ölkələrə nisbətən daha sərtdir. Odur ki, əhvalı qorumaq ehtiyacı ispanlar üçün daha aktualdır.

“Xoşbəxt” məhsulların siyahısı

Хорошо бы в самоизоляции есть клубнику Фото: Shutterstock

Şokolad, banan, ananas, toyuq əti, süd, qoz-fındıq, pendir, balıq, yumurta, tofu - bunların tərkibində triptofan var.

Giləmeyvə (zoğal, qarağat və s.), çiyələk, qızıl balıq, qoz-fındıq, çay - tərkibindəki valproik turşuya oxşar maddələr sayəsində əhvalı yüksəldir. Valproik turşu miqrenə və müxtəlif növ baş ağrılarına qarşı istifadə olunur.

Az yağlı donuz əti, püstə, ağ lobya. Lobya - B1 vitamini mənbəyidir.

Tərəvəz və meyvələri gündə 7-8 dəfə yemək lazımdır. Hər porsiya təxminən tam ovucunuz qədər olmalıdır.

Yeni Zelandiyanın Otaqo Universitetində araşdırma müəlliflərindən olan Tamlin Konner və həmkarları üç həftə ərzində pəhrizin əhvala təsirini araşdırıb. Araşdırmada 280 gənc iştirak edib. Onların çoxunun sağlam həyat tərzi sürmədiyi, meyvə-tərəvəzə gün ərzində ən yaxşı halda iki dəfə və daha az üstünlük verdiyi məlum olub. Təcrübə zamanı pəhriz dəyişdirilib.

Gündə ən az 3-5 dəfə meyvə-tərəvəz yeyənlər özünü daha xoşbəxt, enerjili və sakit hiss edib. Bunun necə işlədiyi hələ elm adamlarına tam aydın deyil. Bəlkə də bu, sağlam qidalanan insanın özünə aşıladığı hipnoz təsiridir. Belə bir mexanizm Yeni Zelandiya alimləri tərəfindən istisna edilmir. Ancaq çox güman ki, təzə tərəvəz və meyvələrdə olan kompleks karbohidratlar, mikroelementlər hormonlarımıza ciddi təsir edir.

Heç bir satira yoxdur, həm ananas, həm də toyuğun tərkibində triptofan var. Eynilə yumurta, süd, qoz-fındıq, pendir, balıq, tofu kimi. Triptofan xüsusilə şokolad və bananın tərkibinə daxildir. Bu amin turşusu uzun müddət xoşbəxtlik hormonu adlandırılan serotoninin sintezində iştirak edir. Serotonin çatışmazlığı narahatlıq, kədər, aqressiya və hətta depressiyaya səbəb olur. Beləliklə, artıq kifayət qədər həyəcanverici və gərgin hadisələr fonunda özünüzü təbii antidepresantlarla dəstəkləmək çox faydalıdır.

Şokolad əhvalı yüksəldir, bu nəticələr Merilend Universitetinin alimləri tərəfindən irəli sürülüb. Alikante Universitetində (İspaniya) aparılan araşdırmada isə məlum olub ki, banan sinir sistemini sakitləşdirməyə, müsbət düşüncəyə və nikbinliyi stimullaşdırmağa kömək edir. Bütün bunlar triptofan sayəsində baş verir.

Triptofanla zəngin olan qidalar yaxşı yuxu üçün də faydalıdır - çünki o sirkadiyan ritmlərimizi tənzimləyən hormon olan melatoninin sintezində də iştirak edir. Odur ki, gecə bir stəkan süd içmək və ya banan yemək mənfi nəticəyə səbəb olmayacaq.

“Xoşbəxtlik pəhrizi” getdikcə beşulduzlu hoteldə istirahət edən milyonçunun menyusuna bənzəyir! Ananaslara əlavə olaraq, özünütəcrid dövründə çiyələk, qızıl balıq, fındıq, giləmeyvə yemək də yaxşı olardı.

Bu məhsulların tərkibində valproik turşusu var. Meksika Universitetindən Karina Martinez-Mayorqanın sözlərinə görə, depressiya, bipolyar pozğunluq, miqren və epilepsiyanın müalicəsində valproik turşusundan istifadə olunur.

Bəs ətsiz necə yaşamaq olar?

Ətdə vitaminlər də var! İspanlar az yağlı donuz ətində əhval-ruhiyyəmizə müsbət təsir edən B1 vitamininin olduğunu bildirib. Yeri gəlmişkən, günəbaxan toxumlarında da B1 vitamini var.Publika.az