Qoz orqanizm üçün çox faydalı məhsuldur.

Sehiyye.info xəbər verir ki, onun tərkibində insan üçün lazım olan nadir maddələr (yağlı turşular, zülallar, vitaminlər, minerallar) var.

Qozun yarpaqları, arakəsmələri, qabıqları, yağı xalq təbabətində təbii müalicəvi vasitə kimi çox geniş istifadə olunur.

Baş ağrısı, yuxusuzluq, skleroz zamanı istifadə olunur:

3-4 qoz xırdalayın 1 çay qaşığı balla qarışdırın və axşam yatmazdan əvvəl qəbul edin.

Ürəyin işemik xəstəliyi, hipertoniya, qanazlığı zamanı da qozla balın qarışığı çox yaxşı müalicəvi təsir edir.

Mədə xorası zamanı qoz südü:

20 qr qoz blenderdə əzilir, üzərinə 100 ml qaynanmış ilıq su əlavə olunur. 30 dəqiqədən sonra mayeni süzün, 2 çay qaşığı bal əlavə edin və yaxşı qarışdırın. Hər gün qida qəbulundan 30 dəqiqə əvvəl bu südü 1 desert qaşığı olmaqla için.