Bakı şəhərinin Suraxanı rayonunda ağır yol qəzası baş verib. "Əfsun" şadlıq sarayının yanında 104 saylı marşrut avtobusu qəzaya uğrayıb.

Səhiyyə Nazirliyinin mətbuat xidmətindən AZƏRTAC-a bildirilib ki, baş verən avtoqəza ilə əlaqədar Təcili Tibbi Yardıma çağırış saat 08:45-də daxil olub. Hadisə yerinə 4 təcili tibbi yardım avtomobili göndərilib.

Qəza nəticəsində 6 nəfər (2-si azyaşlı olmaqla) müxtəlif dərəcəli bədən xəsarətləri alıb. 3 saylı şəhər xəstəxanasına çatdırılan yaralılara lazımi yardım göstərilib, müalicələri davam edir.