Əgər bağırsaqlar təmizdirsə, dəri heç bir kosmetik vasitənin köməyi olmadan parıldayır, yanaqlarda isə azca qızartı əmələ gəlir. Bu, məlum bir həqiqətdir.

Sehiyye.info xəbər verir ki, şirin yerkökü salatı bağırsaqları nizama salır, öz lifləri sayəsində onu təmizləyir, A vitamini isə dəriyə xoş rəng verir. Həmçinin yerköküdə bol olan karotenoidlər sayəsində görmə qabiliyyəti yaxşılaşmağa başlayır.

Tərkibi:

1. Yerkökü (3 ədəd)

2. Təbii bal (1 çay qaşığı)

3. Qırmızı bibər (1 çimdik)

4. Bitki yağı (yarım çay qaşığı)

Hazırlanması:

Şirəli yetişmiş yerkökü yuyulur, qabığı soyulur və sürtgəcdən keçirilib dayaz oksidləşməyən qaba əlavə edilir. Sonra digər inqrediyentlər: bibər, bal və yağ ilə qarışdırılır.

Bu yerkökü salatı yuxudan durandan və su içdikdən təxminən yarım saat sonra orqanizm tərəfindən daha yaxşı əmilir. Əlbətdə ki, bu səhər yeməyi möcüzəlidir, lakin bir dəfə ilə görünən effekti əldə edə bilməyəksiniz, mütəmadi olaraq rasiona daxil edilməlidir. Təxminən 10 gün sonra görünüşdə nəzərəçarpacaq dərəcədə dəyişiklik hiss olunacaq, qarnınızın düzləşməsi isə sizə yüngüllük gətirəcək.Publika.az