Azərbaycan Tibb Universitetinin ümumi və toksikoloji kimya kafedrasının assistenti Kəmalə Bədəlova nüfuzlu beynəlxalq jurnalın “Redaksiya Kollegiyasının Hörmətli Üzvü” seçilib.

Sehiyye.info bildirir ki,Universitetin mətbuat xidmətindən AZƏRTAC-a bildiriblər ki, bu haqda “İlkin Araşdırmalar və Tədqiqat İşləri” beynəlxalq jurnalı tərəfindən K.Bədəlovaya sertifikat təqdim olunub.

Qeyd edək ki, jurnalın onlayn platforması müxtəlif sahələri əhatə edən tədqiqatların gücləndirilməsi üçün yaradılıb. Aylıq jurnal Hindistanın “Alborear (OPC) Private Limited” şirkəti tərəfindən nəşr olunur. Jurnalda bütün sahələrə aid keyfiyyətli araşdırma işləri yer alır.