Avstraliyanın Kvinslend Universitetindən dermatoloq Keti Li insan orqanizminə D vitamininin təbii şəkildə düzgün qəbulu barədə danışıb.

Dermatoloqun sözlərinə görə, isti yayda 09:00-15:00 aralığında yüngül geyimdə Günəş altında beş dəqiqə qalmaq orqanizmin bu maddəyə gündəlik tələbatını ödəməyə imkan verir. Qışda eyni miqdarda D vitamini istehsal etmək təxminən bir saat çəkə bilər. Həkim ultrabənövşəyi şüalanmanın da orqanizmdə D vitamini istehsal etməsi üçün zəruri olduğunu bildirib.

Li xəbərdarlıq edib ki, Günəş altında uzun müddət qalmaq bədənin D vitamini istehsalını mütləq şəkildə artırmır. Bununla belə, ultrabənövşəyi radiasiyaya məruz qalma dəri üçün həqiqətən zərərlidir. Dermatoloqun fikrincə, açıq rəngli dərisi olan insanlar kanserogen olan Günəş işığının yaratdığı DNT zədələnməsinə daha çox həssasdırlar.//oxu.az