Prezident yanında araşdırma komissiyasının məlumatına görə, Hindistanda istehsal olunan dörd dərman ötən il Qambiyada ən azı 70 uşağın ölümünə səbəb olub.
Sehiyye.info xəbər verir ki, Ümumdünya Səhiyyə Təşkilatının məlumatına görə, şərbətlərdə "qəbuledilməz" miqdarda dietilen qlikol və etilen qlikol var olub ki, bunlar adətən antifriz kimi istifadə olunur. Kimyəvi maddələr ölümcül olduğu və uşaqlarda kəskin böyrək çatışmazlığına səbəb ola biləcəyi bildirilir.

2022-ci ilin oktyabrında Qambiya uşaqların ölümündən sonra bir sıra dərmanları, o cümlədən dövriyyədə olan bütün öskürək və soyuqdəymə şərbətlərini, həmçinin qatil siroplarının istehsalçısı Hindistan firması "Maiden Pharmaceuticals"ın bütün məhsullarını geri çağırıb.

İstintaq belə nəticəyə gəlib ki, dərmanlar qanunvericiliyə uyğun olaraq ölkəyə gətirilməzdən əvvəl narkotiklərə nəzarət orqanında qeydiyyata alınmayıb. Səhiyyə naziri bildirib ki, Qambiya hökuməti təzminat almaq üçün dərmanların alındığı Hindistan əczaçılıq laboratoriyasını məhkəməyə vermək yollarını araşdırır.

Sağlamlıq qalmaqalından sonra Hindistan 2022-ci ilin oktyabrında Hindistanın şimalındakı "Maiden Pharmaceuticals" zavodunu bağlayıb.

İşin məhkəməsi oktyabrda Qambiyada başlanmalıdır.

Ümumilikdə Qambiya, İndoneziya və Özbəkistanda hind istehsalçı firmanın həblərindən 300 uşaq ölüb.//bizimyol