Havanın temperaturu günü-gündən yüksəldikcə insanların maye istehlakı da artır. Bəzi insanlar qazlı içkilər qəbul etməklə orqanizmin maye ehtiyacını ödəməyə çalışırlar.

Sehiyye.info xəbər verir ki, dietoloq Elif Harbutluoğlu isti havaların təsiri ilə qazlı içkilərin istehlakının artdığına diqqət çəkərək, bədənin suya olan ehtiyacını yalnız su və ya kofeinsiz içkilərlə qarşılamağın daha sağlam olduğunu bildirib.


Dietoloq Elif Harbutluoğlu isti havalarda maye istehlakı ilə bağlı vətəndaşlara əhəmiyyətli xəbərdarlıqlar edib.

Su istehlakının əhəmiyyətini vurğulayan Harbutluoğlu deyib:

"Su bütün canlıların həyatı boyunca əhəmiyyətli olan fizioloji bir ehtiyacdır. Hər bir orqanizmin suya ehtiyacı fərqlidir. Bu günlərdə havaların isti keçməsi ilə əlaqədar su sərfiyyatına ehtiyac əlavə olaraq artır. Su da maddələr mübadiləsini sürətləndirməyə böyük töhfə verir. Bununla belə, su istehlakı iştaha nəzarət baxımından da əhəmiyyətlidir və çəki nəzarətində də təsirlidir. Bundan əlavə, faydalarını saymaqla bitməyən su həzm sistemini tənzimləməyə də kömək edir. Daha az su istehlak etdikdə artan yorğunluq, konsentrasiya pozğunluğu, baş ağrısı, əzələ gücü itkisi, başgicəllənmə, bulanıq görmə kimi bir çox təhlükəli təsirlər ola bilər. Bu isti havalarda xüsusilə iş mühitində vərdişlərə görə qəhvə, çay və ya qazlı içkilərin istehlakı artır. Gün ərzində çox qəhvə, çay və ya qazlı içkilər istehlak etmək su istehlakının azalmasına səbəb ola bilər. Çay, qəhvə və qazlı içkilər içənlərdə susuzluq ehtiyacını yatırdığı üçün su istehlakı azalır. Bundan əlavə, qazlı içkilərin həddindən artıq istehlakı bir çox müxtəlif xəstəliklərə təsir edə bilər. Lakin sağlam həyat üçün susuzluğu gözləmədən 10-12 stəkan, yəni orta hesabla 2-2,5 litr su içmək çox vacibdir”.