Bildiyiniz kimi, əks göstəriş sertifikatı almaqda çətinlik çəkən insanların sayı heç də az deyil.

Sehiyye.info redaksiyasına bununla bağlı növbəti şikayət daxil olub.

Belə ki, Ağstafa rayon sakini şikayətçi Arzuyə Əliyeva bu ilin fevral ayında koronavirusa yoluxub. O, ağciyərində 75 faiz buzlaşma ilə modul tipli xəstəxanaya yerləşdirilib. Düzgün müalicə ilə sağlamlığına qovuşduqdan sonra ona 6 aylıq immunitet sertifikatı verilib. Sertifikatın müddəti yay aylarında bitdikdə A. Əliyeva vaksin vurdurmaq üçün müraciət etsə də, ona peyvənd vurdurmağa icazə verilməyib. Buna baxmayaraq, qadına əks göstəriş sertifikatı da verilmir.

Mövzu ilə bağlı Səhiyyə Nazirliyinin mətbuat xidmətinin əməkdaşı Elvin Hacıyevlə əlaqə saxladıq və şikayətçini ona yönləndirdik. O, məsələnin araşdırılacağını və həll ediləcəyini bildirdi.

Problemin təfərrüatlarını aşağıdakı səsyazmadan dinləyə bilərsiniz:

//sonxeber