Mütəxəssislər bəzi qidaların damarları təmizləyərək qandakı xolesterol səviyyəsini azaltdığını və qan təzyiqini aşağı saldığını bildirir.

Sehiyye.info xəbər verir ki, sözügedən qidaların balanslı qəbulu ürək-damar problemləri riskini azaldır.

Lakin təkcə qidalanma ürəyin sağlam fəaliyyətini təmin edə bilməz. Bunun üçün nizamlı idman və ya məşq etmək lazımdır.

Mütəxəssislərin ürəyin sağlamlığı üçün tövsiyə etdiyi qidalar:

Fındıq: Fındıq yağ tərkiblidir. Amma bu yağ xolesterolun səviyyəsini aşağı salan doymamış yağdır. Fındıqda həm də damarları qoruyan E vitamini bol miqdarda var. Sink, lif və maqnezium bu qidanın əsas faydalarındandır.

Zeytun yağı: Doymuş yağlar yerinə, zeytun yağından istifadə etsəniz, qandakı xolesterolun miqdarı azalacaq, qan təzyiqi aşağı düşəcək.

Düyü: tərkibində bol miqdarda E və B vitaminləri var.

Pomidor: Pomidora qırmızı rəng verən likopen birləşməsi damarlarda xolesterolun yığılmasının qarşısını alır.

Soğan: sarımsaqla birlikdə ürəyin sağlamlığı üçün can-başla savaşan qidadır. Tərkibindəki maddələr xolesterolun oksidləşərək damarların divarlarına zərər verməsinin qarşısını alır.

Lobya: hər gün 1-1/2 fincan quru lobya yesəniz, qısa müddətdə qandakı xolesterolun miqdarı azalar. Damarların tıxanmasını əngəlləyir.

İspanaq: ürək xəstəlikləri və yüksək təzyiqə qarşıdır. Xolesterolun damarlara yerləşməsinin qarşısını alır. Maqnezium və kalium kimi minerallarla zəngindir.

Qreyfrut: 80 kaloriyə malik qreyfrut eyni zamanda C vitamini deposudur. Meyvənin içinə çəhrayı rəng verən maddə damarları xolesterolun təxribatından qoruyan antioksidantdır.

Yulaf: Yulaf xolesterolun bir nömrəli düşmənidir. Lif özünü xolesterola birləşdirir və onu vücuddan xaricə çıxarır. Gündə 1-1/2 fincan yulaf yesəniz, qandakı xolesterol miqdarı 20% azalar.

Çay: Əvvəllər ürək xəstələrinin çay içmələri qadağan edilirdi. İndi isə çayın ürək üçün son dərəcə faydalı olduğu iddia edilir. Çay qan laxtalanmasının qarşısını alır.

Alma: Gündə bir alma yesəniz, ürək xəstəliklərindən qorxmağınıza gərək qalmaz. Tərkibindəki vitaminlər sayəsində xolesterolun damarda yığılmasının qarşısını alır.