Britaniyalı həkim Rob Ormerod xəbərdarlıq edib ki, illər ərzində eşitmə itkisi diabetin əlaməti ola bilər.


Sehiyye.info xəbər verir ki, yaşlandıqca itirilən eşitmə qabiliyyətinin ümumiyyətlə ictimaiyyət tərəfindən kifayət qədər nəzərə alınmadığını deyən mütəxəssis bunun diabetin ilkin əlamətlərindən biri ola biləcəyini bildirib.

Tədqiqatlar göstərir ki, diabet xəstələrinin eşitmə itkisi ilə üzləşmə ehtimalı iki dəfə çoxdur. Əgər söhbətləri izləməkdə çətinlik çəkirsinizsə və cihazlarınızın səsini çox artırırsınızsa, bu, eşitmə ilə bağlı problem olduğunu göstərə bilər.

Mütəxəssis qeyd edib ki, eşitmə itkisi, diaqnozu qoyulmamış bir diabetinizin ola biləcəyinin yalnız bir əlamətidir: "Buna görə də əmin olmaq üçün bir mütəxəssisdən kömək almaq faydalı olar".

O, həmçinin bildirib ki, şəkər xəstələrinin yaşadığı yüksək və aşağı qan şəkəri səviyyələri qan axınına təsir edə bilər və daxili qulaqdakı qan damarlarına zərər verə və qulağınıza gələn sinir siqnallarına təsir edə bilər.//e-saglam