Pivənin böyrək daşlarını çıxarmağa kömək etdiyi iddiasının heç bir elmi əsası yoxdur.

Sehiyye.info xəbər verir ki, bunu "Lenta.ru"ya endokrinoloq Oleq Sikorski deyib.

Sikorski, pivənin böyrək daşlarını çıxarmaq üçün faydaları ilə bağlı heç bir elmi araşdırmanın olmadığını bildirib, deyib ki, maye qəbulu əslində böyrək daşlarının qarşısını almağa kömək edir, amma həkimlərin pivənin bu xəstəliyi olan insanlara məsləhət görməsi absurddur.

"Hər hansı bir mayenin həddindən artıq istehlakı ifrazat orqanlarına çox yük verir. Ən təhlükəlisi isə budur ki, həm pivədə, həm də hər hansı digər spirtli içkilərdə etil spirti var" - deyə Oleq Sikorski bildirib.

Endokrinoloq xəbərdarlıq edib ki, insanlar bu üsulla böyrək daşlarından xilas olmayacaq.

"Hər hansı bir alkoqolun həddindən artıq istehlakının bədən üçün mənfi nəticələrini bilmək lazımdır. Nəticədə çəki artımı, qaraciyər, ürək, sinir sistemi və beyin problemləri meydana çıxır", - Sikorski əlavə edib.//publika