Cənubi Koreyanın Ulsan Milli Elm və Texnologiya İnstitutunun (UNIST) alimləri nano ölçülü zülal hissəciklərindən istifadə edərək xərçəng hüceyrələrini selektiv şəkildə məhv etmək üçün texnologiya yaradıblar .
Sehiyye.info xəbər verir ki, bu tədqiqat “Nano Today” elmi jurnalında dərc olunub.

Cənubi Koreyalı bioloqlar kəşflərini “nanodronlar” adlandırdılar. Hissəciklər AaLS adlı xüsusi zülallardan ibarətdir. Bədəndə mövcud olan killer (NK) hüceyrələri aktivləşdirir və xərçəngli şişlərin böyüməsini boğur, həmçinin onların yenitörəmələrini hədəf alır. Nəticədə, toxumalarda xərçəngin inkişafı nəzərəçarpacaq yan təsirlər olmadan əhəmiyyətli dərəcədə yavaşlayır.

Mütəxəssislər onların inkişafını gəmiricilər üzərində sınaqdan keçirib və onun effektivliyini qeyd ediblər.

Elmi işin aparıcı müəllifi, professor Kanq Se Ben qeyd edib ki, bu tədqiqat nanodronlardan istifadə etməklə onkologiyanın müalicəsi üçün yeni imkanlar açır. O, əlavə edib ki, elm adamları xərçəngin müxtəlif növlərini selektiv şəkildə hədəf alan yeni müalicə variantları təqdim etməyə çalışırlar.