Qastroenteroloq Dilarə Lebedeva hesab edir ki, qaraciyər, ürək və ayaqlar gənclik və gözəllik mənbəyidir. Onlarda çoxlu biotin var və bu vitamin hüceyrələrin bərpasını sürətləndirir, epidermisi, dərinin qoruyucu təbəqəsini yeniləyir.

Sehiyye.info Publika.az-a istinadən xəbər verir ki, Lebedevanın sözlərinə görə, biotin saçımızın əsasını təşkil edir, çünki saçın əsas struktur komponenti olan keratinin sintezində iştirak edir.

"İçalat həm də bədənin birləşdirici toxumasının - dərinin, sümüklərin, qığırdaqların və vətərlərin əsasını təşkil edən kollagen zülalı ilə zəngindir. O, sümükləri və damarları gücləndirir, saçın, dərinin və dırnaqların sağlamlığını və gözəlliyini qoruyur. Qaraciyər tərkibində çoxlu miqdarda yağda həll olunan vitaminlər (A, D, E), B vitaminləri, fermentlər, amin turşuları var. Qaraciyərdən hazırlanan yeməklər xüsusilə anemiya və mədə-bağırsaq traktının problemləri olan insanlara tövsiyə olunur.

Ürəklər demək olar ki, tamamilə əzələ toxumasından ibarətdir, ona görə də onların tərkibində çoxlu protein var. Mikroelementlərdən onlar anemiyanın qarşısını alan dəmirlə, həmçinin sinir sisteminin sağlamlığı üçün zəruri olan mislə zəngindir.

Ayaqlar, xüsusən də toyuq ayaqları kollagenin mühüm mənbəyidir. Qida sənayesində kollagen sümük qalıqlarından əldə edilir", - Lebedeva yekunda bildirib.