"Hazırda kənd təsərrüfatı məhsullarının, tərəvəzlərin qiymətinin baha olmasına bir neçə amilin təsiri var. Mövsümü amillər, toxum, gübrə, pestisidlərin baha olması meyvə-tərəvəzin qiymətinə ciddi təsir göstərir. Hər şey bahalaşdığı üçün meyvə istehsalçıları da məcburdur ki, qiyməti qaldırsın”.

Arasdırma.info xəbər verir ki,bunu Bakupost.az -a iqtisadçı ekspert Eyyub Kərimli deyib.
O bildirib ki, bahalaşmanın ən əsas səbəbi yerli məhsulun hələ yetişməməsidir. Yerli məhsulların çıxmasına bir neçə ay qalmış hər il belə problemlərlə qarşılaşırıq:
“Logistikanın bahalaşması və daşınma xərclərinin artmasına görə xaricdən, əsasən də Türkiyədən gətirilən məhsulların qiymətində müəyyən dəyişiklik ola bilər. Yerli məhsullar indi bazarda azdər. Daha çox xaricdən gətirilən məhsullar satılır. Çox güman xaricdən gətirilən məhsulların həm topdan satış qiyməti, həm logistik xərcləri artıb. Bu da həmin məhsulların ölkədəki satış qiymətlərinə də təsir göstərir”.
İqtisadçı qeyd edib ki, soğan və kartofla bağlı bahalaşma yalnız mövsümi amillə bağlı deyil. Burada süni qiymət artımı da xüsusi rol oynayır:
"Bəzi hallarda bu məhsulların yerlərdə ucuz olduğunu, lakin bazarlarda daha baha satıldığını müşahidə edir­ik. Fikrimcə, artıq yeni məhsulların bitməsinə az qalıb və qiymətlər aşağı enə bilər. Lakin bu il qiymətlər ötən ilə nisbətən daha baha olacaq. Ötən illə müqayisədə kartof və soğanın qiymətində 40 faizə, pomidorda isə 100 faizə qədər artım müşahidə olunur".