Koronavirus ilk dəfə Çinin mərkəzində ortaya çıxandan bəri, Pekin ölkədəki epidemiyanı böyük ölçüdə nəzarət altına almağa müvəffəq oldu və 777 milyon dozadan çox peyvənd tətbiq edildi.

Sehiyye.info bildirir ki, “Sinovac” sözçüsü AFP-yə onların peyvəndinin uşaqlarda istifadə üçün təsdiqləndiyi barədə xəbər verib.

"Son günlərdə Sinovac peyvəndi 3-17 yaşarası uşaqlarda təcili istifadə üçün təsdiqləndi" dedi. Bununla belə o, kiçik uşaqların peyvənd almağa nə vaxt başlaya biləcəyini hələ təsdiqləmədiyini də vurğulayıb. Onun sözlərinə görə yerləşdirmə cədvəli "Çinin mövcud epidemiyanın qarşısının alınması və nəzarət ehtiyacları və peyvənd tədarükünə uyğun olaraq" Milli Səhiyyə Komissiyası tərəfindən təyin ediləcək.

Şirkət sözçüsü, uşaqlarda və yeniyetmələrdə peyvəndin erkən sınaqlarının tamamlanması və nəticələrinin tezliklə The Lancet elmi jurnalında dərc ediləcəyini də söyləyib.

Rəsmi dövlət kanalı olan CCTV isə Dövlət Şurasının epidemiyaya qarşı mübarizə işçi qrupunun adı açıqlanmayan bir səlahiyyətlisinin uşaqlar üçün peyvəndlərin təsdiqləndiyini və "təhlükəsizlik və effektivliyin" sübut edildiyini xəbər verib.

Çinli səlahiyyətlilər bu ilin sonuna qədər 1,41 milyard insanın 70 faizini peyvənd etmək niyyətində olduqlarını söyləyiblər.

Qeyd edək ki, ÜST-ün hal-hazırda uşaqlara koronavirusa qarşı peyvənd edilməsini tövsiyə etməməsinə baxmayaraq, ABŞ, Böyük Britaniya, Sinqapur və Avropa Birliyi 12 yaş və yuxarı yaş uşaqlar üçün Pfizer-BioNTech peyvəndini təsdiqləyib.//Tibb.fed.az