"Soyuqdəymə və qrip zamanı heç bir halda spirtli içki içməyin, çünki bədənə mənfi təsir göstərir və immunitet sistemini zəiflədir".

Sehiyye.info xəbər verir ki, bunlar Rusiya Səhiyyə Nazirliyinin əhaliyə xəbərdarlığında yer alıb.

"İş orasındadır ki, alkoqolun əsas komponenti olan asetaldehid orqanizmə mənfi təsir göstərir. Spirtli içki ilk növbədə ürək-damar sisteminə nüfuz edərək taxikardiya və yüksək təzyiqə səbəb olur. Hətta kiçik dozada alkoqol bədənin əsas funksiyalarını qorumaq üçün son dərəcə zəruri olan B12 vitamininin səviyyəsini azaldır. Bu isə dəhşətli viruslara yol aça bilər", - Səhiyyə Nazirliyinin Terapiya və Ümumi Tibbi Təcrübə üzrə baş mütəxəssisi Oksana Drapkina vurğulayıb.