Bu ilin birinci rübündə İcbari Tibbi Sığorta üzrə Dövlət Agentliyinə 702 vətəndaş müraciət edib
Bu ilin birinci rübündə İcbari Tibbi Sığorta üzrə Dövlət Agentliyinə 702 vətəndaş müraciət edib.
Agentlikdən AZƏRTAC-a bildiriblər ki, müraciətlər əsasən icbari tibbi sığortanın pilot layihə olaraq həyata keçirildiyi Mingəçevir şəhəri, Yevlax və Ağdaş rayonlarının sakinləri tərəfindən edilib.
Müraciətlərdən 103-ü müayinə və müalicə, 78-i əlillik və pensiya məsələləri, 72-si əməliyyatlar, 60-ı ümumi məlumat və qeydiyyat, 59-u iş və əmək münasibətləri, 38-i göndəriş verilməsi, 29-u tibbi xidmətlə bağlı ödəniş, 20-si dərman təminatı, 243-ü isə digər məqsədlərlə bağlı olub.